Унтахаасаа өмнө инээх нь...

Унтахаасаа өмнө инээх нь хүний биед мелатонин (унтах үед тархинаас ялгардаг даавар) бодисыг ихээр ялгаруулдаг болохыг японы судлаачид тогтоожээ.
Шөнө унтах үед биен дэх мелатонины хэмжээ ихэсдэг ба 23 цагаас шөнийн 03 цагийн хооронд хамгийн дээд цэгт хүрээд үүр цайж эхлэхэд зогсдог юм. 

Уг судалгаанд 48 хөхүүл эх хамрагдсан ба оройн 8 цагийн үед хагас эхчүүлд инээдмийн кино  /Modern Times by Charlie Chaplin/ хагасд нь жирийн кино үзүүлсэн байна. Кино үзүүлсний дараа хөхний сүүг аван шинжилж үзэхэд инээдмийн кино үзсэн эхчүүдэд мелатонины хэмжээ өндөр байсан байна.

Америкт хийсэн хоёр судалгаагаар хурц тод гэрэл мелатонины ялгаралтыг багасгадаг ба шөнө ажилтай эмэгтэйчүүдэд эстрогены ялгаруулалтыг саармагжуулж улмаар хөхний хавдраар өвчлөх эрсдлийг нэмэгдүүлдэг болох нь батлагдсан байна.


   Ашигласан материал: http://www.psychologytoday.com/blog/why-laughing-in-the-evening-helps-you-sleep-better-night
                                                                                                                                               
                                                                                                                                              Б.Тунгалаг