Бусдыг хэрхэн өөртөө татах вэ?

Хүн болгон л таныг гэх тийм нэг чухал хүн болохыг хүсч байна уу? Энэ нь нэг ёсондоо чадвар бөгөөд амжилтанд хүрэх түлхүүр болж өгдөг. Зарим хүний хувьд төрөлхийн сэтгэл татам зан чанартай бусдыг үргэлж байлдан дагуулж байдаг бол бид тийм занг өөрсдөө бий болгож болох юм. Түүний тулд хэрэг болох дараах бяцхан зөвлөгөөг хүргэж байна. 

1.      Мэдрэмжээ ашигла. Бусдад нөлөөлөхийн тулд орчин болон харилцагчаа сайн мэдрэх хэрэгтэй. Дуугаа эргэн тойрондоо тохируулж аль болох аядуу зөөлөн байлга. Өөрийн мэдрэмжээ сайжруул. Шинэлэг зүйлсийг туршиж үз, өөрийнхөө уурлах, бухимдах, түгших, сандрах, эсвэл сэтгэл ханамж дүүрэн байгаа сэтгэл хөдлөлийг мэдэрч  дүгнэлт хий. Өөрийгөө ийнхүү мэдрэх удирдах зарчимыг өдөр бүр хэвшүүл. Сэтгэл хөдлөлөө хянаж сур.
2.      Тайван бай. Аливаа зүйлд тэвдэж сандрахгүй байхыг хичээ. Харилцан ярианд хариултаа дүгнэж байж хариулаарай. Өөрийнхөө бие махбодийг сайн мэдэрч биеэ дандаа хянан цэгнэ.
3.      Биеийн байдалдаа анхаар ялангуяа алхаа гишгээндээ. Өөртөө итгэлтэй бөгөөд тайван цэх алх.
4.      Нийтэч бай. Олны дунд хамт байх хугацаанд тэдгээр хүмүүс таны хувьд их чухал бөгөөд тэд нартай хамт байх танд маш тааламжтай байгааг бусдад мэдрүүл. Чин сэтгэлээсээ инээмсэглэ, толгойгоо дохь мөрөнд нь хүр, харцаар харилц. Олон хүний өмнө илтгэл тавьсан ч энгийн орчинд найзуудтайгаа баярлаж суусан ч ганцаар ярьдаг байхаас болгоомжилж заавал харилцан ярилцаж хүмүүсийн ярихыг сонсож байгаарай. 

5.      Өөрийнхөө сэтгэл хөдөлөө харамгүй гадагш гаргаж илэрхийл. Хэн нэгэнрүү инээмсэглэхэд тэр хүн хариу инээмсэглэж байвал та өөрийнөө сэтгэл хөдлөлийг тэр хүнд үүсгэж чадсаны илрэл болно. Аливаа хүний сэтгэлийг татаж нөлөө үзүүлэх чадвартай хүн гэдэг н өөрт буй ижил сэтгэл хөдлөлийг эргэн тойронд үүсгэх ур чадвартай хүнийг хэлнэ. Бусдыг өөдрөг байлгаж, инээлгэж байгаарай. 

www.goodcharacter.com                                                                                                                  Б.Ганзул