Феминист сэтгэл судлал



Эрэгтэй эмэгтэй хүмүүс  бие бялдар, танин мэдэхүйн процесс, хийсвэр сэтгэлгээ гээд  сэтгэл зүйн хувьд ч мөн ялгаатай байдаг. Тухайлбал  эмэгтэйчүүд  аливаа зүйлсийг хэсэгчлэн хүлээж авдаг бөгөөд юмсыг хурдан тогтоож мөн хурдан мартдаг байна. Харин хийсвэр сэтгэлгээний хувьд  эрэгтэй хүнийг бодвол илүү хөгжсөн байдаг ч үүнийгээ бүтээлч сэтгэлгээ болгох тал дээр асуудалтай байдаг байна. Үүний гол шалтгаан нь эрсдлийг түрүүлж хардаг, өөрийн санааг зоригтой хөгжүүлэхээс айдаг юм. Эмэгтэйчүүдийн сэтгэхүй эрчүүдийнхээс өөр боловч тэднээс тааруу гэсэн үг биш. Зүгээр л ялгаатай байдаг.Тиймээс эмэгтэйчүүдийн сэтгэл зүйг эсрэг хүйстнийхээс нь салгаж үзэх нь зүйтэй. Эмэгтэйчүүдэд чиглэсэн сэтгэл судлаачид өөрсдийнхөө шинж чанарыг тодотгохын тулд феминист сэтгэл судлаачид  хэмээн өөрсдийгөө нэрлэдэг байна.
Феминист  сэтгэл судлал нь эмэгтэйчүүд рүү чиглэсэн тэднийг өндрөөр үнэлсэн феминизм гэх  үзэл дээр тулгуурладаг. Феминист сэтгэл судлал гэх нэр томъёог анх неофрейдизмийн төлөөлөгч, сэтгэл судлаач Карен Хорне гаргаж ирсэн бөгөөд феминист терапи бол терапины үндсэн төрлүүдийн нэг хэмээн нэгэнтээ дурьдсан байдаг. Эмэгтэйчүүд эрчүүдийг бодвол  стресс, сэтгэл гутралд  өртөх нь амархан байдаг бөгөөд сэтгэл санааны тогтворгүй байдлаасаа болж идэмхий болох нь ч их байдаг байна. Феминист терапины гол санаа эмэгтэйчүүдийн сэтгэл зүйн асуудал нь тэдний амьдрал дахь томоохон асуудлын шинж болдог гэдэгт оршино. Феминист терапи нь үйлчлүүлэгчийнхээ бүрэн эрхт байдлыг харгалзан үзэж нэр шошго зүүх, нарийн онош тавих, сексийн асуудал руу нь гүн орохоос зайлсхийдэг. Мөн тэд  эмэгтэйчүүдийн сэтгэл зүйн асуудал нь хүч дутуу байдлаас үүсэлтэй гээд үйлчлүүлэгч сэтгэл зүйч хоёрын хоорондын харьцааг тэгш хэмд байлгадаг байна. Феминист терапи нь үйлчлүүлэгчдийнхээ сэтгэл санааг дээшлүүлэхийн тулд хувь хүний өөрчлөлтөөс гадна нийгмийн өөрчлөлтийг хийхийг зөвлөдөг юм.

Эх сурвалж: www.en.wikipedia.org

Б. Ганзул