Оюутан Залуучуудын Соёлын Солилцооны Холбоо

“Оюутан Залуучуудын Соёлын Солилцооны Холбоо” нь Монголын J-1 Зуны Ажиллах Аялах хөтөлбөрт хамрагдсан 30 залуусын идэвхи санаачлагаар 2010 оны 12 дугаар сарын 10 нд байгуулагдсан.
 Зорилго:
АНУ болон бусад орнуудад сурч, ажиллаж, аялах зорилгоор J-1, F-1 болон бусад ангиллын визээр зорчиж байгаа Монголын оюутан залуусын эрх ашгийг хамгаалах, тэдэнд тухайн орны хууль, дүрэм журмын талаар зөвлөгөө өгөх, мөн Монголын Оюутан Солилцооны хөтөлбөр хэрэгжүүлэгч байгууллагуудын алдаа дутагдлыг засуулах, үнэхээр эдгээр хөтөлбөр нь ямар ашиг тустай болохыг эцэг эх, оюутан залууст үнэн бодитойгоор нь танилцуулж, хамтдаа энэхүү хөтөлбөрийг сайжруулж олон талын мэдлэг боловсролтой, оюуны өндөр чадавхитай монголын ирээдүйн гэрэл гэгээ болсон шилдэг залуусыг бэлдэх зорилготой төрийн бус байгууллага юм.

Бидний уриа:
Өөрсдөөс шалтгаалах бүхнийг өөрсдөө хийцгээе...

Үйл ажиллагааны үндсэн чиглэл: Холбоо нь бодлого, үйл ажиллагаандаа дараах үндсэн чиглэлийг баримтлан ажиллана.
·         Соёл солилцоо, тэтгэлэгт хөтөлбөр болон бусад шугамаар гадаадад сурч ажиллаж амьдарч байгаа залуусын эрх ашиг, эрүүл мэндийн асуудалд мэргэжлийн байгууллагуудтай хамтран судалгаа хийх
·         Оюутан соёл солилцооны хөтөлбөрт хамрагдаж байгаа оюутнуудын эрх ашиг зөрчигдөж байгаа эсэхэд хяналт тавьж, хэрэв зөрчигдсөн тохиолдолд зуучлалын компаниудад анхааруулга, санамж өгөх, шийдэгдээгүй тохиолдолд холбогдох хууль хяналтын байгууллагад мэдэгдэж, тв радио болон бусад хэвлэл мэдээллийн хэрэгслээр зарлах
·         Гадаад улс орныг зорих гэж буй залууст тухайн орны талаар үнэн зөв, бодит мэдээллээр хангах
·         Гадаад орнууд дахь оюутан залуусын соёл солилцооны холбоо, их дээд сургууль болон тэтгэлэг олгодог байгууллагуудтай хамтран ажиллах
·         Гадаадад сурч боловсорч байгаа Монгол залуусыг эх орондоо буцаан ирүүлэхэд нь өнөөгийн нийгэм, эдийн засаг, амьдрах орчин, ажлын байрны талаар үнэн зөв мэдээллээр хангах
·         Дэлхийн өнцөг булан бүрт сурч, ажиллаж амьдарч буй Монгол залуусын талаар суурь судалгаа хийх, нэгдсэн мэдээллийн сан бий болгох
·         Өндөр хөгжилтэй орнуудад сурч, ажиллах, тэтгэлэгт хамрагдах тухай мэдээллийн хүртээмжийг нэмэгдүүлэх


Холбоо барих утас:
99037739, 99254089, 95752620
И мэйл хаяг:
masyce@yahoo.com